O Regulamento (CEE) nº 2092/91 establece que a Comisión debe presentar,
antes do 30 de xuño de 1995, propostas relativas ós principios e medidas específicas
de control, que teñen que rexer a producción ecolóxica dos animais, dos productos
animais non transformados e dos productos destinados á alimentación humana
que conteñan ingredintes de orixe animal;
A demanda de productos agrícolas obtidos mediante a agricultura ecolóxica
é cada vez máis importante, e os consumidores interesanse cada vez máis por
estos productos;
As produccións animais permiten ampliar esta gama de productos, así como,
nas explotacións agrícolas adicadas á agricultura ecolóxica, desenrolar actividades
complementarias que representen unha parte considerable dos ingredientes de
ditas explotacións;
O presente Regulamento armoniza as normas de producción, de etiquetado
e de control para as especies animais máis importantes; para as especies distintas
das acuáticas, respecto ás que o presente Regulamento non dispón normas de
producción, é conveniente, para protexer ó consumidor, armonizar, como mínimo,
as esixencias de etiquetado e o sistema de control; convén elaborar canto
antes normas de este tipo para os productos da acuicultura;
Por outra parte, na agricultura ecolóxica a cría de animais constitúe parte
integrante da organización da explotación agrícola, xa que permite responder
ás necesidades das terras de cultivo no referente á materia orgánica e elementos
nutritivos e, por elo, contribue á mellora dos solos e ó desenrolo dunha agricultura
sostida;
Para evitar prexuizos ó medio ambiente e, en particular, ós recursos naturais
como o solo e as augas, a cría de animais debe, en principio, prever unha
vinculación estreita entre dita actividade e o solo, as oportunas rotacións
plurianuais e a alimentación dos animais con productos vexetais ecolóxicos
obtidos na propia explotación;
Para evitar a contaminación das augas producida polos compostos nitroxenados,
as explotacións de agricultura exolóxica deben dispor dunha capacidade de
almacenamento apropiada e de plans de esparcimento das dexeccións animais
sólidas e líquidas;
Para manter e aproveitar as zonas abandoadas, o pastoreo do gando levado
segundo as normas de agricultura ecolóxica constitúe unha actividade particularmente
adaptada;
Debe fomentarse unha gran diversidade ecolóxica e a selección das razas
debe ter en conta a súa capacidade para adaptarse ás condicións do entorno;
Os organismos modificados xeneticamente ( OMG ) e os productos obtidos
a partir destes son incompatibles cos métodos de producción ecolóxica; para
que os consumidores sigan confiando na producción ecolóxica, nos productos
etiquetados como procedentes de producción ecolóxica non poderán empregarse
organismos modificados xeneticamente, partes destes ou productos obtidos a
partir destes;
Deberán ofrecerse garantías ós consumidores de que os productos foron producidos
de conformidade co presente Regulamento; na medida en que sexa tecnicamente
posible, ditas garantías deberían basarse na trazabilidade dos productos animais;
Os animais deben alimentarse de pasto, forraxe e alimentos obtidos conforme
ás regras da agricultura ecolóxica;
Nas circunstancias actuais, os productores poden encontrar dificultades
para aprovisionarse de alimentos para os animais producidos de acordo con
métodos ecolóxicos e, por conseguinte, pode concederse provisionalmente unha
autorización para empregar un número limitado de alimentos producidos de xeito
non ecolóxico e en cantidades limitadas;
Ademáis, para asegurar as necesidades fisiolóxicas esenciais dos animais,
pode resultar necesario recurrir a determinados minerais, aligoelementos e
vitaminas en condicións ben definidas;
A saude dos animais debe basarse na prevención, mediante medidas como a
selección apropiada das razas e estirpes, unha alimentación equilibrada e
de calidade e un entorno propicio, en particular polo que se refire á densidade,
ó aloxamento e ós métodos de cría;
Queda prohibida a utilización de medicamentos alopáticos de síntese química
na agricultura ecolóxica;
Non obstante, cando os animais enfermen ou se lesionen, deben recibir un
tratamento inmediato, preferentemente con medicamentos fitoterapéuticos ou
homeopáticos e limitando ó máximo a utilización de productos menciñais alopáticos
de síntese química; para garantir ó consumidor a integridade da producción
ecolóxica, debe ser posible adoptar medidas restrictivas, como duplicar o
tempo de espera tras a utilización de medicamentos alopáticos de síntese química;
Na maioria das situacións os animais deberán ter acceso a zonas de exercicio
ou a espacios ó aire libre cubertos de herba, na medida en que as condicións
meteorolóxicas o permitan e ditos espacios deben ser, en principio, obxeto
dun axeitado programa de rotación;
Para todas as especies animais, o aloxamento debe responder ás necesidades
dos animais en materia de ventilación, luz, espacio e comodidade e, por conseguinte,
deben proporcionarselles superficies suficientemente amplas para permitir
a cada animal moverse libremente e desenrolar o seu comportamento innato;
Deben reducirse ó máximo as prácticas sistemáticas que provocan estrés,
dano, enfermidade ou sufrimento nos animais durante as fases de producción,
manipulación, transporte ou sacrificio; non obstante, pódense permitir as
intervencións específicas inherentes a determinadas produccións; a utilización
de certas sustancias destinadas a estimular o seu crecemento ou a modificar
os seus ciclos reproductivos é incompatible cos principios da agricultura
ecolóxica;
As particularidades da apicultura requiren disposicións específicas, en
particular para garantir recursos poliníferos e nectaríferos suficientes no
referente á calidade e á cantidade;
Todos os operadores que comercializan productos procedentes de animais
criados conforme ás normas de producción ecolóxica deben estar sometidos obligatoriamente
a controles regulares e armonizados; conven que certa información relativa
ás entradas e saídas dos animais na explotación, así como os tratamentos efectuados,
consten obrigatoriamente nun rexistro accesible e actualizado no domicilio
da explotación;
Debido ás diferencias rexionais nas condicións agrícolas e climáticas é
necesario establecer determinados períodos transitorios respecto a determinadas
prácticas e ás características das explotacións e instalacións gandeiras;
A diversidade actual de prácticas establecidas e de cría ecolóxica de animais
entre os Estados membros esixe que os Estados membros teñan a posibilidade
de aplicar, a determinados animais e productos animais producidos no seu territorio,
normas máis restrictivas;
As indicacións no etiquetado, publicidade ou documentos comerciais que
o consumidor considera que se refiren ó método de producción ecolóxica están
reservadas, de acordo co disposto no Regulamento ( CEE ) nº 2092/91, ós productos
producidos de conformidade co citado Regulamento;
Polo xeral o consumidor considera determinadas indicacións como unha referencia
ó método de producción ecolóxica;
Non obstante, é necesario establecer un período transitorio con obxeto
de permitir que os titulares de marcas adapten o seu producto ós requisitos
da producción ecolóxica; dito período transitorio concederase unicamente ás
marcas que leven as indicacións mencionadas anteriormente e foran solicitadas
antes da publicación do Regulamento ( CEE ) nº 2092/91 e o consumidor será
axeitadamente informado, no seu caso, de que os productos non se producen
de acordo co método de producción ecolóxica.
