Regulamento (CEE) nº 2092/91 do Consello

REGULAMENTO (CEE) Nº 2092/91 DO CONSELLO
De 24 de Xuño de 1991 sobre a producción agrícola ecolóxica e a súa indicación nos productos agrarios e alimenticios.

O CONSELLO DAS COMUNIDADES EUROPEAS
Regulamento (CEE) nº 2092/91 do Consello

Visto o tratado constitutivo da Comunidade Económica Europea, e en particular o seu artigo 43,
Vista a proposta da Comisión,
Visto o dictame do Parlamento Europeo,
Visto o dictame do Comité Económico e Social,

Considerando que existe unha demanda cada vez maior de productos agrarios e alimenticios obtidos de forma ecolóxica; que este fenómeno crea un novo mercado para os productos agrarios;

Considerando que ditos productos véndense no mercado a un prezo máis elevado, namentres que dito método de producción implica un emprego menos intensivo da terra; que este método de producción pode desempeñar, polo tanto un cometido no marco da reorientación da política agraria común, contribuíndo á consecución dun maior equilibrio entre a oferta e a demanda de productos agrarios, a protección do medio ambiente e o mantemento do espacio rural;

Considerando que, en resposta á crecente demanda, comercialízanse productos agrarios e alimenticios con mencións que indican ou suxiren ós mercantes que se obtiveron de forma ecolóxica ou sen emprego de productos químicos de síntese;

Considerando que algúns Estados membros xa estableceron disposicións regulamentarias e controis relativos ó emprego de tales indicacións;

Considerando que a creación dun conxunto de normas comunitarias de producción, etiquetado e control permitirá protexer a agricultura ecolóxica ou garantir unhas condicións de competencia leal entre os productores de productos que leven as indicacións mencionadas e evitará o anonimato no mercado dos productos ecolóxicos, asegurando a transparencia de todas as fases da producción e a elaboración, o que aumentará a credibilidade destes productos entre os consumidores;

Considerando que o método de producción ecolóxica constitúe un método específico de producción con respecto á explotación agraria; que é convinte, polo tanto, que no etiquetado dos productos transformados, as indicacións referentes ó método de producción ecolóxica vaian acompañadas da mención dos ingredientes obtidos con amaño a dito método de producción;

Considerando que, para a aplicación das disposicións contempladas, é convinte establecer procedementos flexibles que permitan adaptar, completar ou precisar determinadas modalidades técnicas ou determinadas medidas con obxecto de ter en conta a experiencia adquirida; que o presente Regulamento será completado nun prazo apropiado coas correspondentes disposicións relativas á producción animal;

Considerando que, en interese dos productores e mercantes dos productos que leven indicacións referentes ó método de producción ecolóxica, é convinte establecer os principios mínimos que deberán observarse para que o producto poida presentarse con ditas indicacións;

Considerando que o método de producción ecolóxica implica importantes restriccións na utilización de fertilizantes ou pesticidas que poidan ter efectos desfavorables para o medio ambiente ou dar lugar á presencia de residuos nos productos agrarios; que, neste contexto, convén cumprir as prácticas aceptadas na Comunidade no momento de adopción do presente Regulamento segundo a práctica existente na Comunidade en dito intre; que, ademais, para o futuro convén establecer os principios que regulen a autorización de productos que poden empregarse neste tipo de agricultura;

Considerando que, ademais, a agricultura ecolóxica implica prácticas de cultivo variadas e un aporte limitado de abonos e de emendas non químicos e pouco solubles; que é preciso concretar ditas prácticas e prever as condicións de emprego de determinados productos non químicos de síntese;

Considerando que os procedementos previstos permiten completar, cando sexa necesario, o Anexo I mediante disposicións máis específicas nas que a finalidade sexa evitar a presencia de determinados residuos de productos químicos de síntese que non procedan da agricultura (contaminación medioambiental) nos productos obtidos con este método de producción;

Considerando que o control do cumprimento das normas de producción esixe, en principio, controles en todas as fases de producción e comercialización;

Considerando que todos os operadores que produzan, elaboren, importen ou comercialicen productos que leven unha indicación referente á producción ecolóxica deberán ser sometidos a un réxime de controles sistemáticos que cumpran as condiciones comunitarias mínimas e sexan levados a cabo por autoridades de control designados e/ou organismos autorizados e supervisados; que convén que nos productos sometidos a dito réxime de control poida figurar unha indicación comunitaria de control.