Considerando que o artigo 10 do Regulamento ( CEE ) nº 2092/91 establece
a posibilidade de empregar un logotipo tal como se define no anexo V de dito
Regulamento; que os operadores poden empregar o logotipo de xeito voluntario
nas condicións fixadas neste artigo;
Considerando que o logotipo comunitario pode acompañar á indicación recollida
no artigo 10 e o anexo V que especifica que os productos estuveron sometidos
ó réxime de control;
Considerando que é importante para a percepción dos consumidores contar
cun etiquetado informativo que recolla un mínimo de información homoxénea;
que o logotipo só deberá empregarse de conformidade cunha serie de requisitos
técnicos claramente definidos, recollidos no manual gráfico;
Considerando que o logotipo permite ós operadores conseguir que os seus
productos teñan unha maior credibilidade entre os consumidores e unha mellor
identificación deses productos;
Considerando que a utilización do logotipo supón que os productores que
o levan foron sometidos ó longo de todas as fases de producción, elaboración
e comercialización a un sistema de control baixo a responsabilidade dos Estados
membros; que dito sistema de control garantiza o respeto da autenticidade
dos productos e o cumprimento das especificacións relativas ó método de producción
ecolóxica;
Considerando que o logotipo ofrece ós operadores unha valiosa axuda que
pode empregar para o etiquetado dos seus productos si se cumpren todas as
condicións necesarias para tal utilización;
Considerando que as medidas previstas no presente Regulamento se axustan
o dictame do Comité mencionado no artigo 14 do Regulamento ( CEE ) nº 2092/91.
