ÁMBITO DE APLICACIÓN

Artigo 1

1. O presente Regulamento aplicarase ós productos que a continuación se indican, na medida en que ditos productos leven ou vaian a levar indicacións referentes ó método de producción ecolóxica:
   1. os productos agrícolas vexetais non transformados; ademais, os animais e productos animais non transformados, na medida en que os principios de producción e as correspondentes normas específicas de control se inclúan nos Anexos I e III;
   2. productos agrícolas vexetais trasformados e productos animais trasformados destinados á alimentación humana, preparados basicamente a partir de un ou máis ingredientes de orixe vexetal e/ou animal;
   3. alimentos para animais, pensos compostos e materias para a alimentación animal non recollidos na letra a) a partir da entrada en vigor do Regulamento o que se refire o apartado 3.
      
      
2. Non obstante o disposto no apartado 1, cando no anexo I non se establezan as normas de aplicación para a producción de determinadas especies animais, aplicaránse a ditas especies e ós seus productos, a excepción da acuicultura e dos productos desta, as disposicións do artigo 5 para o etiquetado, e os artigos 8 e 9 para o control. Mentras non se establezan as normas específicas de producción, aplicaránse as normas nacionais ou, en caso de non habelas, normas privadas aceptadas ou recoñecidas polos Estados membros.
   
   
3. Conforme o procedemento descrito no artigo 14, a Comisión proporá, a máis tardar o 24 de agosto de 2001, un regulamento polo que se establezan requisitos para o etiquetado e para o control, así como medidas cautelares aplicables ós productos a que se refire a letra c) do apartado 1 na medida en que ditos requisitos se refiran ó método de producción ecolóxica.
   Ata a adopción do regulamento a que se refire o párrafo primeiro, aplicaránse ós productos mencionados na letra c) do apartado 1 as normas nacionais conformes co Dereito comunitario ou, en caso de non habelas, normas privadas aceptadas ou recoñecidas polos Estados membros.

 

Artigo 2

A efectos do presente Regulamento, considerarase cun producto leva indicacións referentes ó método de producción ecolóxica cando no etiquetado, na publicidade ou nos documentos comerciais do producto, os seus ingredientes ou as materias primas para a alimentación animal se caractericen polas indicacións que se empreguen en cada Estado membro e que suxiran ó mercante que o producto, os seus ingredientes ou as materias primas para a alimentación animal foron obtidos de acordo coas normas de producción enunciadas no artigo 6 e, en particular, cos termos seguintes, ou os seus prefixos en uso (como bio, eco, etc.) ou diminutivos, sós ou combinados, a non ser que ditos termos non se apliquen ós productos agrícolas contidos nos productos alimenticios ou nos alimentos para animais ou, a todas luces, non teñan ningunha relación co método de producción:

-en español:	ecológico
-en danés:	Ækologisk
-en alemán:	ökologisch, biologisch
-en grego:	bilogikó
-en inglés:	organic
-en francés:	biologique
-en italiano:	biologico
-en neerlandés:	biologisch
-en portugués:	biológico
-en finlandés:	Luonnonmukainen
-en sueco:	ekologisk

 

Artigo 3

O presente Regulamento aplicaráse sen prexuízo do establecido noutras disposicións comunitarias ou nacionais, conforme o Dereito comunitario, relativas ós productos a que se refire o artigo 1, tales como as disposicións polas que se regula a producción, a elaboración, a comercialización, o etiquetado e o control, incluída a lexislación relativa os productos alimenticios e á alimentación animal.