DEFINICIÓNS

Artigo 4

A efectos do presente Regulamento, entenderase por:

  1. "Etiquetado": as mencións, indicacións, marcas de fábrica ou de comercio, imaxes ou signos que figuren en envases, documentos, letreiros, etiquetas, aneis ou colares que acompañan ou se refiren a productos contemplados no artigo 1;

  2. "Producción": as operacións feitas na explotación agraria para a obtención, envasado e primeiro etiquetado como productos de producción ecolóxica dos productos agrarios producidos en dita explotación;

  3. "Elaboración": as operacións de conservación e/ou transformación de productos agrarios (incluído o sacrificio e despece de productos animais), así como o envasado e/ou as modificacións feitas no etiquetado relativas á presentación do método de producción ecolóxica dos productos frescos, conservados e/ou transformados;

  4. "Comercialización": a tenencia ou exposición para a venda, a posta en venda, a venda, a entrega ou calquera outra forma de introducción no comercio;

  5. "Operador": a persoa física ou xurídica que produza, elabore ou importe de terceiros países os productos contemplados no artigo 1 con vistas á súa comercialización, ou que comercialice ditos productos;

  6. "Ingredientes": as sustancias, incluídos os aditivos, utilizadas na elaboración dos productos contemplados na letra b) do artigo 1 segundo se definen no apartado 4 do artigo 6 da Directiva 79/112/CEE, relativa á aproximación das lexislacións dos Estados membros en materia de etiquetado, presentación e publicidade dos productos alimenticios;

  7. "Productos fitosanitarios": os productos definidos no punto 1 do artigo 2 da Directiva 79/117/CEE do Consello, de 21 de decembro de 1978, relativa á prohibición de saída ó mercado e de utilización de productos fitosanitarios que conteñan determinadas sustancias activas, modificada en último lugar pola Directiva 89/365/CEE;

  8. "Deterxentes": as sustancias e preparados, tal como se definen na Directiva 73/404/CEE do Consello, de 22 de novembro de 1973, referente á aproximación das lexislacións dos Estados membros en materia de deterxentes, modificada en último lugar pola Directiva 86/94/CEE, destinados á limpeza de determinados productos contemplados na letra a) do apartado 1 do artigo 1;

  9. "Producto alimenticio envasado": a unidade de venda definida na letra b) do apartado 3 do artigo 1 da Directiva 79/112/CEE;

  10. "Lista de ingredientes": a lista de ingredientes a que se refire o artigo 6 da Directiva 79/112/CEE;

  11. "Producción animal": a producción de animais terrestres (incluídos os insectos) domésticos ou domesticados e de especies acuáticas criadas na auga doce, salobre ou salgada. Os productos da caza e da pesca de animais silvestres non se considerarán procedentes da producción ecolóxica;

  12. "organismos modificados xeneticamente (OMX)": calquera dos organismos que se definen no artigo 2 da Directiva 90/220/CEE do Consello, de 23 de abril de 1990, sobre a liberación intencional no medio ambiente de organismos modificados xenéticamente;

  13. "derivado de OMX": calquera sustancia producida a partir dun OMX ou mediante OMX pero que non os conteña;

  14. "uso de OMX e de derivados de OMX": o seu uso como productos e ingredientes alimenticios (incluídos aditivos e aromas), auxiliares tecnolóxicos (incluídos os disolventes de extracción), alimentos para animais, pensos compostos, materias primas para a alimentación animal, aditivos na alimentación animal, auxiliares tecnolóxicos nos alimentos para animais, determinados productos utilizados na alimentación animal segundo a Directiva 82/471/CEE, productos fitosanitarios, medicamentos veterinarios, fertilizantes, acondicionadores do solo, sementes, material de reproducción vexetativa e animais;

  15. "medicamentos veterinarios": os productos definidos no apartado 2 do artigo 1 da Directiva 65/65/CEE do Consello, de 26 de xaneiro de 1965, relativa á aproximación das disposicións legais, regulamentarias e administrativas, sobre especialidades farmacéuticas;

  16. "medicamentos homeopáticos veterinarios": os productos definidos no apartado 1 do artigo 1 da Directiva 92/74/CEE do Consello, de 22 de setembro de 1992, pola que se amplía o ámbito de aplicación da Directiva 81/851/CEE relativa á aproximación das disposicións legais, regulamentarias e administrativas sobre medicamentos veterinarios e pola que se adoptan disposicións complementarias para os medicamentos homeopáticos veterinarios;

  17. "alimentos para animais": os productos definidos na letra a) do artigo 2 da Directiva 79/373/CEE do Consello, de 2 de abril de 1979, relativa á comercialización dos pensos compostos;

  18. "materias primas para a alimentación animal": os productos definidos na letra a) do artigo 2 da Directiva 96/25/CE do Consello, de 29 de abril de 1996, sobre a circulación de materias primas para a alimentación animal e pola que se modifican as Directivas 70/524/CEE, 74/63/CEE, 82/471/CEE e 93/74/CEE e se deroga a Directiva 77/101/CEE;

  19. "pensos compostos": os productos definidos na letra b) do artigo 2 da Directiva 79/373/CEE do Consello, de 2 de abril de 1979, relativa á comercialización dos pensos compostos;

  20. "aditivos na alimentación animal": os productos definidos na letra a) do artigo 2 da Directiva 70/524/CEE do Consello, de 23 de novembro de 1970, sobre os aditivos na alimentación animal;

  21. "determinados productos utilizados na alimentación animal": os productos para a alimentación animal a que se refire a Directiva 82/471/CEE do Consello, de 30 de xuño de 1982, relativa a determinados productos utilizables na alimentación animal;

  22. "unidade de producción ecolóxica/explotación ecolóxica/explotación gandeira ecolóxica": a unidade, explotación ou criadeiro que cumpra as disposicións do presente Regulamento;

  23. "pensos ecolóxicos/materias primas para a alimentación animal producidos ecoloxicamente": os pensos ecolóxicos/materias primas para a alimentación animal producidos con amaño ás normas de producción establecidas no artigo 6;

  24. "pensos ecolóxicos/materias primas para a alimentación animal en conversión": pensos ecolóxicos/materias primas para a alimentación animal que cumpren as normas de producción establecidas no artigo 6, salvo no relativo ó período de conversión en que ditas normas aplícanse durante ó menos un ano antes da colleita;

  25. "pensos/materias primas para a alimentación animal convencionais": pensos/materias primas para a alimentación animal non recollidas nas categorías mencionadas nos apartados 23 e 24;