NORMAS DE PRODUCCIÓN

Artigo 6

  1. O método de producción ecolóxica implica que para a producción de productos dos mencionados na letra a) do apartado 1 do artigo 1 que non sexan sementes nin material de reproducción vexetativa:

    1. deben cumprirse como mínimo as disposicións que figuran no Anexo I e, cando proceda, as correspondentes regras detalladas;

    2. só se poderán empregar productos compostos das sustancias incluídas no Anexo I e II como productos fitosanitarios, fertilizantes, acondicionadores do solo, alimentos para animais, materias primas para a alimentación animal, productos utilizados na alimentación animal con amaño a Directiva 82/471/CEE, productos de limpeza e desinfección para os locais e instalacións gandeiras, productos para o control de plagas e efermidades nos locais e instalacións ou con calquera outra finalidade que se especifique no anexo II en relación con determinados productos. Unicamente poderán utilizarse nas condicións especificadas nos anexos I e II sempre que o uso correspondente esté autorizado na agricultura xeral do Estado membro de que se trate, de acordo cas disposicións comunitarias pertinentes ou cas disposicións nacionais conformes ca lexislación comunitaria;

    3. só se empregarán sementes ou material de reproducción vexetativa que fora producido mediante o método de producción ecolóxica á que se refire o apartado 2;

    4. non poderán empregarse organísmos modificados xeneticamente nin productos obtidos a partir destes, con excepción dos medicamentos veterinarios.

  2. O método de producción ecolóxica implica que para as sementes e o material de reproducción vexetativa, o parental feminino se se trata de sementes e o parental se se trata de material de reproducción vexetativa, deberán terse producido:

    1. sen usar organismos modificados xenéticamente nin productos derivados deses organismos, e

    2. de acordo co disposto nas letras a) e b) do apartado 1 polo menos durante unha xeración ou, se se trata de cultivos perennes, durante dúas temporadas de cultivos.

    1. Non obstante o disposto na letra c) do apartado 1, durante un período transitorio que expirará o [15]®31 de decembro de 2.003 [15] e coa autorización da autoridade competente do Estado membro poderán empregarse sementes e material de reproducción vexetativa obtidos de forma distinta do método de producción ecolóxico na medida na que os usuarios de dito material de reproducción poidan demostrar, a enteira satisfacción da autoridade ou do organismo de control do Estado membro, que non lles era posible obter no mercado comunitario un material de reproducción para unha variedade determinada da especie en cuestión con amaño ós requisitos do apartado 2. Neste caso, terá que empregarse o material de reproducción que non estea tratado con productos non recollidos na parte B do Anexo II, de estar dispoñible no mercado comunitario. Os Estados membros notificarán ós demais Estados membros e á Comisión as autorizacións concedidas con amaño ó presente apartado.

    2. O procedemento do artigo 14 poderase empregar para decidir o seguinte:

      • meter, antes do [15]®31 de decembro do 2.003, [15] restriccións á medida transitoria da letra a) para determinadas especies ou tipos de material de reproducción e a ausencia de tratamento químico.
      • manter, despois do 31 de decembro do 2.000, a excepción contemplada na letra a) para determinadas especies ou tipos de material de reproducción e para todo ou unha parte do territorio da Comunidade.
      • incorporar normas de tramitación e criterios para a excepción e contemplada na letra a) e para a información comunicada a este respecto ás organizacións profesionais interesadas, ós demais Estados membros e á Comisión.

  4. Antes do [15]® 31 de decembro de 2002, [15] a Comisión revisará o disposto no presente artigo, en particular a letra c) do apartado 1 e o apartado 2, e presentará, no seu caso, as propostas de revisión que correspondan. [10]

 

Artigo 6 bis

  1. A efectos do presente artigo entenderase por "plántulas" as plantas enteiras destinadas á plantación para a producción de vexetais.

  2. O método de producción ecolóxica supón que, cando os productos empregan ditas plántulas, estas deberán ter sido producidas de conformidade co disposto no artigo 6.

  3. Non obstante o disposto no apartado 2, as plántulas non obtidas con amaño ó método de producción ecolóxica poderán empregarse durante un período transitorio que expirará o 31 de decembro de 1.997, sempre e cando se cumpran as seguintes condicións:

    1. a autoridade competente do Estado membro autorizara o emprego despois de que o usuario ou usuarios de dito material demostraran a satisfacción do organismo ou a autoridade de control do Estado membro que lles resultou imposible obter no mercado comunitario unha variedade apropiada da especie en cuestión;

    2. as plántulas foran unicamente tratadas, dende a semente, cos productos enumerados nas partes A e B do Anexo II;

    3. as plántulas procedan dun productor que aceptara un sistema de control equivalente ó réxime previsto no artigo 9 e que aceptara aplicar a restricción da letra b); esta disposición entrará en vigor o 1 de xaneiro de 1.996;

    4. tras a plantación, as plántulas deberán ter sido cultivadas de conformidade co disposto nas letras a) e b) do apartado 1 do artigo 6 durante un período mínimo de seis semanas antes da colleita;

    5. o etiquetado de calquera producto que conteña ingredientes procedentes de ditas plántulas non pode mencionar a indicación contemplada no artigo 10;

    6. sen prexuízo de calquera restricción resultante do procedemento contemplado no apartado 4, toda autorización concedida en virtude do presente apartado retirarase cando cese a escaseza e expirará a máis tardar o 31 de decembro de 1.997.

    1. Cando se concedera a autorización a que se refire o apartado 3, o Estado membro correspondente comunicará de inmediato ós demais Estados membros e á Comisión a seguinte información:
      • a data da autorización
      • a denominación da variedade e da especie de que se trate,
      • as cantidades que se soliciten e a xustificación desas cantidades
      • a previsible duración da escaseza,
      • calquera outra información solicitada pola Comisión ou os Estados membros

    2. se a información facilitada por un Estado membro á Comisión e ó Estado membro que concedera a autorización demostrase a dispoñibilidade dunha variedade apropiada durante o período de escaseza, o Estado membro poderá considerar a retirada da autorización ou de reducir a súa duración e comunicará á Comisión e ós demais Estados membros, dentro dos dez días seguintes á data de recepción da información, as medidas que tomara.

    3. a petición dun Estado membro ou a iniciativa da Comisión, o asunto someterase á consideración do Comité mencionado no artigo 14. De acordo co procedemento previsto en dito artigo, poderá tomarse a decisión de retirar ou modificar a súa duración. [10]

     

Artigo 7

  1. Os productos non autorizados na data da adopción do presente Regulamento para un fin indicado na letra b) do apartado 1 do artigo 6 poderán incluirse no anexo II, sempre que se cumpran as seguintes condicións:

    1. se se empregan para o control de pragas ou enfermidades das plantas ou para a limpeza e desinfección dos locais e instalacións utilizados para a cría:
      • que sexan esenciais para o control dun organismo nocivo ou dunha enfermidade particular en relación coa cal non se dispoña de outras alternativas biolóxicas, físicas, de cultivo ou de selección; e
      • que as condicións para o seu uso exclúan todo contacto directo coas sementes, os vexetais, os productos vexetais ou os animais ou productos animais; non obstante no caso dos vexetais perennes poderán ter lugar un contacto directo, pero tan só fora do período de crecemento das partes comestibles (froitos) sempre que dita aplicación non teña como consecuencia indirecta a presencia de residuos do producto nas partes comestibles, e
      • que a súa utilización non produza efectos inaceptables sobre o medio ambiente nin contribúa a súa contaminación; [15]

    2. se se empregan fertilizantes ou acondicionantes do solo:
      • que sexan esenciais para satisfacer requisitos específicos de nutrición dos vexetais ou para obxectivos de acondicionamento de solos que non poidan cumprir mediante as prácticas contempladas no Anexo I; e
      • que o seu emprego non produza efectos inaceptables para o medio ambiente nin contribúa a súa contaminación.

    1. bis. Os requisitos establecidos no apartado 1 non se aplicarán ós productos que se empregasen correntemente antes da adopción do presente Regulamento segundo os métodos de producción ecolóxica aplicados no territorio da Comunidade. [10]

    1. ter. Con respecto ós minerais e oligoelementos utilizados na alimentación animal, poderán incluirse no anexo II fontes complementarias para estes productos sempre que sexan de orixen natural ou no seu defecto, de síntese, nas mesmas formas que os productos naturais.

  2. 2. No caso necesario, poderá especificarse o seguinte en relación con calquera producto incluído no Anexo II:
  3. A Comisión decidirá, con amaño ó procedemento do artigo 14, as modificacións do Anexo II relativas, ben á inclusión, ben á retirada dos productos a que se refire o apartado 2.

  4. Cando un Estado membro considere que debe engadirse un producto ó Anexo II, ou que deben introducirse modificacións no mesmo, encargarase do envío oficial ós demais Estados membros e á Comisión dun expediente no que se xustifique dita inclusión ou ditas modificacións; a Comisión someterá dito expediente ó Comité a que se fai referencia no artigo 14.